سمية الخشاب تكشف كواليس طلاق أحمد الفيشاوي وندى الكامل: "سمعت نصيحتي"



علّقت الفنانة المصرية سميّة الخشاب، السبت، على انفصال الفنان أحمد الفيشاوي وزوجته ندى الكامل.

وقالت سمية الخشاب أثناء استضافتها في برنامج “كلام الناس” المذاع عبر قناة MBC مصر، إن الخلافات بين الزوجين بدأت منذ فترة طويلة.

وأضافت: “التقيت زوجة الفيشاوي خلال مهرجان الجونة وكان هناك نوع من التشاحن بينهما وقمت بحله”، متابعة: “ندى الكامل شخصية لذيذة وطيبة”.

وتابعت: “أنا في مرحلة معينة كنت خايفة عليها. شوفتها في الجونة وكان في مشاحنات خفيفة، أنا هديت الموقف لإن إحنا في مهرجان. بعدها قلتلها شوية نصايح، وأنا مبسوطة إنها سمعت نصايحي”.

وأكملت: “أتمنى لأحمد الفيشاوي كل التوفيق، وهو طيب ولطيف جدا، بس حلو لو الناس مش قادرين يكملوا مع بعض ينفصلوا بطريقة حلوة”.

وكشفت عن أنها لا تفكر في الزواج في الفترة الحالية، قائلة: “أنا في المرحلة دي مش محتاجة حد خالص، أنا رايقة جدا ومبسوطة ومش حاسة بوحدة، مش حاسة إني متضايقة ومستمتعة بحياتي.”

وأضافت: “أنا مركزة في شغلي، وعندي مليون ألف حاجة أعملها، والجواز هيعطلني، وأنا مش عايزة أتعطل دلوقتي”.

ورفضت سمية الخشاب إعطاء أعذار للزوج في الخيانة، قائلة: “مفيش حاجة اسمها تقصير من الزوجة فتخون، ومفيش حاجة اسمها نزوة، في حاجة اسمها ارتبطنا بالمعروف يبقى تسيبها بالمعروف”.



المصدر

اظهر المزيد

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى